«Milli Yol» qəzetinin redaktoru Ravil Məmmədovu hüquq mühafizə orqanları saxlayıblar. Bu haqda AzadlıqRadiosuna Daxili İşlər Nazirliyinin mətbuat xidmətinin rəhbəri Sadiq Gözəlov məlumat verib.
Ravil Məmmədov həm də pia.az İnformasiya Agentliyinin redaktorudur. Sadiq Gözəlov jurnalistin saxlanmasının səbəbi və onun harada saxlanması barədə danışmaqdan imtina edib.
Reportyorların Azadlığı və Təhlükəsizliyi İnstitunun (RATİ) rəhbəri Emin Hüseynov AzadlıqRadiosuna deyib ki, həmin qəzetin və agentliyin baş redaktoru Şahin Ağabəylini də polis əməkdaşları aparıblar: «RATİ-nin əməkdaşları bunun şahidi olublar. Onlar bu hadisəni videokamera ilə çəkmək istəyəndə polis bizim üç əməkdaşımıza qarşı fiziki zor işlədib. Bizim iki videokameramızı və bir fotoaparatımızı aparıb».
Amma Daxili İşlər Nazirliyinin əməkdaşı Sadiq Gözəlov Şahin Ağabəylinin saxlanması və RATİ-nin əməkdaşlarına zor tətbiqi, avadanlıqların alınması barədə məlumatı təsdiqləməyib.
Şahin Ağabəyli 2006-cı ildə böhtan atmaq ittihamı ilə həbs olunmuşdu
«Polis jurnalistlərə hücum edib»
AzadlıqRadiosunu Rusiya hökuməti "arzuolunmaz təşkilat" elan edib
Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.
Ətraflı məlumat üçün bura klikləyin.
Azadlıq Trend
1