Ermənistanda seçki başa çatıb. «Exit-poll»un nəticələrinə əsasən, hazırkı prezident S.Sarkisian səslərin 58 faizini toplayır. (Ermənistanda səsvermənin gedişi haqda xronoloji reportaj)
MSK-nın məlumatına görə, ilk 3 saata 276 min seçici səs verib. Bu da seçicilərin 11 faizidir.
Serzh Sarkisian və həyat yoldaşı Rita Yerevanda səs verəndən sonra
15:2518.2.2013
MÖHÜR PASPORTDAN ASANLIQLA SİLİNİR
Azadlıq Radiosunun Erməni xidmətinin aldığı videoda Ermənistanda səs verəndən sonra pasporta vurulan möhürün hidrogen peroksidlə asanlıqla yuyulduğunu göstərir.
15:4418.2.2013
BAGRATİAN POZUNTULARDAN DANIŞIB
Ermənistanda prezidentliyə namizəd, keçmiş baş nazir Hrant Bagratian səs verəndən sonra deyib ki,
“o, yeni Ermənistana səs verir, çünki köhnə Ermənistan artıq tükənib”.
O deyib ki, Serj Sarkisianın proqramı – dövlət kapitalizmidir, onun proqramı - demokartik kapitalizmdir.
Bagratian adamların maşınlara doldurub, məntəqələrə səs verrməyə aparıldığı haqda məlumatlar gəldiyini bildirib.
O həmçinin deyib ki, kütləvi şəkildə rüşvət paylanır ki, adamlıar səslərini hakimiyyət namiəzdinə versinlər
Hrant Bagratian Yerevanda səs verəndən sonra 18 Fevral 2013
15:5618.2.2013
SEÇKİLƏRİ ATƏT-DƏN 263 MÜŞAHİDƏÇİ İZLƏYİR
Ermənistandakı seçkiləri izləməyə MDB ölkələrindən 212 müşahidəçi var.
Daha çox müşahidəçi yalnız ATƏT-dəndir – 263 müşahidəçi.
