UKRAYNA PREZİDENTİ "TERROR" DEDİ
MH17 təyyarəsi Ukraynanın şərqində qəzaya uğrayıb
Təyyarə faciəsi ilə bağlı Niderlanda başsağlığı verən Ukrayna prezidenti qəzanın səbəblərinin araşdırılması üçün mütəxəssisləri ölkəyə çağırdı. Bu zaman hadisəni "terror" adlandırdı. Separatçıların nəzarətində olan bir ərazidə Ukrayna hökumətinin necə istintaq aparacağı yaranmış vəziyyətdə açıq qalan suallardan biridir.
ABŞ və Fransa prezidentləri hadisənin araşdırılması haqda danışıblar. B.Obama bunu üçün Ukraynaya lazım olan hər çür yardıma hazır olduqlarını, F.Hollan isə təhqiqatın təcili aparılmasının zəruriliyini deyiblər.
Flightradar24 saytının məlumatına görə, Malayziya sərnişin təyyarəsi ilə rabitə o, hələ müharibənin getdiyi əraziyə daxil olmamış kəsilib. Təyyarə sonuncu dəfə radarlarda Poltava vilayəti üzərində uçarkən görünüb.
AÇIQ SUALLARDAN BİRİ
MH17-nin uçuşu qeyd edən internet saytındakı sonuncu görüntüsü. Sonra nə olub? Bu Malaysia Airlines şirkətinin bu il başına gələn 2-ci müəammadır və hələ bilmək olmaz, hansının sirrini açmaq daha asan olacaq.
MH 17 əgər raketlə vurulubsa, "Buk" adlı zenit-raket sistemindən istifadə olunub. Belə bir sistem həm Ukrayna, həm də Rusiya ordusunda var. Bu raketlərlə az qala stratosferda uçan hədəfləri vurmaq mümkündür. Separatçıların belə bir silahı olub, ya yox? Onlar inkar edirlər, amma Ukrayna-Rusiya sərhəddinin açıqlıq dərəcəsi elədir ki, tank karvanları ilə sərhəddən 100 kilometrə qədər rahat hərəkət edən separatçılar, Rusiyadan bura daha böyük, məsələn, orta və hətta uzaq mənzilli raket sistemləri də gəitrə bilərlər (nəzəri cəhətdən)
KİYEVDƏ HOLLANDİYA SƏFİRLİYİ QARŞISINDA MATƏM TOPLANTISI (VİDEO)
İyulun 17-də axşam saatlarında Kiyevdə sakinlər Donetskdə düşən təyyarədə həlak olanları xatirəsi üçün Hollandiya səfirliyinin qarşısına güllər qoyub, şamlar yandırmağa başlayıblar. Amsterdamdan Malayziyaya uçan təyyarəni Donetskdə Rusiya yönlü separatçıların vurması barədə məlumatlar səslənir.
