Daha 50 nəfər də Ermənistandan Azərbaycana gəlmək istərdi
Azərbaycanda sığınacaq alan Vahan Martirosyan deyir ki, Ermənistanda daha 50 nəfər də Azərbaycana gəlmək istərdi. Bunu insan haqları müdafiəçisi Novella Cəfəroğlu AzadlıqLive-a Martirosyana istinadla bildirib. O deyir ki, Martirosyanın sözlərinə görə, onun elə öz tanış -bilişləri arasından təxminən 50 nəfəri Azərbaycana gəlmək istəyir.
İlham Əliyevdən Seagala təklif
Azərbaycan prezidenti İlham Əliyev Bakıda Hollivud ulduzu və aikido ustası Steven Seagalla görüşdə ona Azərbaycanda işləməyi və yüksək dərəcəli idmançılar yetişdirməyi təklif edib. Prezidentin şəxsi təşəbbüsü barədə Seagal idmançılarla görüş zamanı bildirib. Steven Seagal Azərbaycanda ustad dərslərinin verilməsi ilə bağlı təkliflə razılaşdığını, eyni zamanda bu əməkdaşlığın yüksək nəticə verəcəyinə əmin olduğunu deyib.
İdmançılarla görüş Bakı "Crystal Hall"-da olub. Seagal idmançılarla söhbət zamanı bildirib ki, bundan sonra onun Bakıya mütəmadi səfərləri olacaq. Görüşün sonunda Steven Seagal hətta növbəti səfərinin noyabr ayında olacağını da vurğulayıb. (publika.az)
Xatırladaq ki, Seagalın aikidoda çox yüksək 7-ci danı var.
Bu il Gürcüstandan gətirilən maşınlar 5 dəfə azalıb
Bu ilin yanvar-avqust aylarında Gürcüstandan Azərbaycana 51 mln. 237,8 min dollar dəyərində 2 844 minik avtomobili ixrac olunub.
Bu barədə “APA-Economics” Gürcüstan Milli Statistika Xidmətinə istinadən məlumat verib.
Gürcüstandan gətirilən maşınlar ötən ilin analoji dövrü ilə müqayisədə 4,85 dəfə azdır. Ötən ilin analoji dövrü ilə müqayisədə Gürcüstandan ixrac olunan minik avtomobillərinin həcmi dəyər baxımından 3,55 dəfə azalıb.
İlin sonuna Qarabağda irəliləyiş
Politoloq Qabil Hüseynli Qarabağ probleminin həllində ilin sonuna irəliləyiş gözləyir. Onun fikrincə, beynəlxalq təhlillərdə bu münaqişənin həllində yaxın vaxtylarda dönüş ola biləcəyi fikirlərinə ciddi əsaslar var.
Ancaq politoloq AzadlıqLive-a onu da deyir ki, əgər ilin sonuna bir irəliləyiş , dönüş olmasa, problem yenə illərlə həll olunmamış qala bilər.
"İrəliləyiş" deyəndə isə söhbət 7 rayonun azad olunmasından gedir.
Bəs Rusiya əvəzində Azərbaycandan nə istəyə bilər? Hətta Qarabağ naminə Gömrük ittifaqına, Avrasiya Birliyinə Azərbaycan gedərmi?
Qabil Hüseynli cavab verir ki, "niyə də getməsin? Əgər qansız-qadasız torpaqları geri ala bilirsə.. Bundan başqa, bu ittifaqlar, birliklər SSRİ-dən də möhkəm olmayacaq ki..." Politoloqun fikrincə,bu birliklər onsuz da vaxt gələcək, yox olub-gedəcək. Ətraflı burada