Bəzi iranlılar özlərinin milli yığmasının ABŞ komandasına məğlub olmasını və nəticədə Dünya Kubokunu tərk etməsini sevinclə qarşılayıblar.
The Guardian yazır ki, oyundan əvvəl və oyun zamanı iranlı etirazçılar Qətərdəki stadionun qarşısında İrandakı soydaşlarına dəstək olaraq etiraz aksiyası keçirirdilər.
Qəzet yazır ki, Qətər hökuməti aralarındakı diplomatik münasibətlər 40 il əvvəl kəsilmiş iki ölkənin yığmaları arasında matç ərəfəsində təhlükəsizlik tədbirlərini gücləndirmişdilər.
Buna da bax: İranda ‘düşmən’ ölkələrlə əməkdaşlığa görə cəza təklifiMəqalədə deyilir ki, İran komandası uduzduqdan sonra Məsih Əlinejad adlı istifadəçi Twitter-də bəzi videolar yerləşdirib və yazıb:
“İran insanların futbolu sevdikləri bir ölkədir. Amma indi iranlılar komandamızın ABŞ yığmasına məğlubiyyətini qeyd etmək üçün Sənəndəc şəhərinin küçələrinə çıxıblar”.
Əlinejad habelə polisdə ölmüş gənc qadın Məhsa Əmininin doğma Saqqız şəhərindəki atəşfəşanlığın videosunu post edib.
Iran is a country where people are very passionate about football. Now they are out in the streets in the city of Sanandaj & celebrate the loss of their football team against US. They don’t want the government use sport to normalize its murderous regime.pic.twitter.com/EMh8mREsQn pic.twitter.com/MqpxQZqT20
— Masih Alinejad 🏳️ (@AlinejadMasih) November 29, 2022
İranlılar komandanın məğlubiyyətini habelə kürdlərin kompakt yaşadıqları Mərivan şəhərində bayram ediblər.
Noyabrın 21-də polis bu şəhərdə etirazçılara atəş açıb.
The Iranian people are out in the streets in Marivan celebrating the Islamic Republic’s loss to Team USA and chanting for freedom. So humiliating for #Iran’s regime.#MahsaAmini pic.twitter.com/sbxatIArFY
— Jason Brodsky (@JasonMBrodsky) November 29, 2022
Tehranda və Kürdüstan ostanının mərkəzi şəhəri Sənəndəcdə də İran millisinin məğlubiyyətini bayram ediblər.
Iranians celebrate the loss of the Islamic Republic’s national team against the US.A pinnacle in the history of Iran:A country where soccer is revered and the national team was worshipped - people are celebrating being booted out of the World Cup. https://t.co/yOrBvieOQE
— Nahayat Tizhoosh (@NahayatT) November 29, 2022
Sine (Sanandaj), Kurdistan, right now. People across Iran are out celebrating the loss of Islamic Republic of Iran’s national soccer team against the United States at the World Cup tonight. They’re going home, losing the game and not really winning the heart of the people either. pic.twitter.com/1gwnh2Ebxx
— Beri Shalmashi (@BeriShalmashi) November 29, 2022
Reuters xəbər verir ki, Dohada matçın keçirildiyi stadionu tərk edən azarkeşlər də İran hökumətinə qarşı şüarlar səsləndiriblər.
“Mollaların komandası”
Bu matçdan əvvəl Tehrandan telefonla danışan 21 yaşlı İlham deyib ki, o İran komandasının məğlubiyyətini istəyir, əks halda onun ABŞ üzərində qələbəsi rejim üçün “hədiyyə” olacaq.
O deyib ki, “bu mənim komandam yox, mollaların komandasıdır”.
Xəbər verilir ki, ikinci taymdan əvvəl bir qrup iranlı azarkeş “Məhsa Əmini” adının hərflərini başları üzərinə qaldırıb.
Təhlükəsizlik qüvvələri hərflərdən ibarət plakatları onların əllərindən alsa da, matça tamaşa etmələrinə icazə verib.
Buna da bax: ABŞ məşqçisi İran bayrağına görə üzr istəyibReuters xəbər verir ki, matçdan sonra stadionun ətraflarında hakimiyyətyönlü İran azarkeşləri ilə iranlı etirazçılar arasında toqquşmalar baş verib.
İran komandası İngiltərə yığmasına 6-2 hesabı ilə məğlub olanda da etirazçılar Tehranın bir sıra yerlərində bunu bayram etmişdilər.
Bu da xəbər verilir ki, İran-ABŞ matçının ikinci taymından əvvəl Rusiyanın Pussy Riot qrupunun 5 üzvü üzərində “Qadın, Həyat, Azadlıq” sözləri yazılmış köynəklər geyinmişdi.
Sizin brauzer HTML5-i dəstəkləmir
Qrupun üzvlərindən Nika Nikulşina Reuters agentliyinin müxbirinə deyib ki, onlar İran qadınlarını dəstəkləyirlər.
Reuters yazır ki, Qətər təhlükəsizliyinin əməkdaşları qrupu “nəzakətlə” stadiondan çıxarıblar.