İranın Xarici İşlər nazirinin sözçüsünün müavini sentyabrın 25-də Nyu-Yorkda BMT-nin binası yaxınlığında İrana qarşı etiraz aksiyası keçirən bir qrupun arasına düşüb. Ciddi hədələr qarşısında olan iranlı diplomat onu müşayiət edən polisdən yardım istəyib və polisin köməyi ilə kütlənin içərisindən çıxarılıb. Hadisə İranın prezidenti Mahmud Ahmadinejadın (Mahmud Əhmədinejad) BMT Baş Assambleyasında çıxışından dərhal sonra baş verib. Aksiya da BMT-nin binası qarşısında İran prezidenti əleyhinə keçirilirdi. AP agentliyinin videosu.